Qoraqalpog‘istondagi “Amudaryotex” MCHJdan davlat foydasiga 7,7 mlrd so‘m soliq qarzdorligi undirildi. Bu haqda O‘zA xabar berdi.
Maʼlum qilinishicha, MIB Qoraqalpog‘iston Respublikasi Amudaryo tuman bo‘limi ish yurituvidagi Yirik soliq to‘lovchilar bo‘yicha hududlararo soliq inspeksiyasining 2023-yil 4-dekabrdagi qaroriga asosan, qarzdor “Amudaryotex” masʼuliyati cheklangan jamiyatdan davlat foydasiga 7,7 mlrd so‘m soliq qarzdorligini undirish belgilangan.
MIB Amudaryo tuman bo‘limi tomonidan qarzdor “Amudaryotex” MCHJga ijro hujjati talabini bajarish uchun 15 kunlik ixtiyoriy muddat berilgan. Berilgan muddat ichida qarzdor tomonidan ijro hujjati talabi bajarilmagan. Shu sabab qarzdorning asosiy bank hisob raqamiga inkassa qo‘yilgan va barcha hisob raqamlari hamda mol-mulklariga nisbatan cheklov o‘rnatilgan.
Natijada qarzdordan undirilishi lozim bo‘lgan 7,7 mlrd so‘m soliq qarzdorligi to‘lig‘i bilan undirilgan.
Izoh (0)