Shavkat Mirziyoyev raisligida agrar sohadagi ustuvor vazifa va rejalarga bag‘ishlangan yig‘ilishda hisob-kitob intizomida ham kamchiliklar borligi aytildi.
Masalan, klasterlarning fermerlar oldidagi qarzdorligi hali to‘liq to‘lanmagan.
Yangi tizimga ko‘ra, oldingi qarzini 1-aprelgacha yopmagan klaster bilan fyuchers shartnomasi bekor qilinadi va fermerga paxtani birjada sotishga ruxsat beriladi.
Maʼlumotni elektron platformaga to‘liq kiritgan va fyuchers shartnoma imzolagan fermerga kredit ko‘pi bilan uch kun ichida ajratilishi shartligi taʼkidlandi.
Avvalroq 2024-yilgi paxta va g‘alla hosili uchun budjetdan 10 trillion so‘mdan ortiq imtiyozli resurs ajratilishi ma’lum qilingandi. Klaster, fermer va dehqonlar imtiyozli kredit olishini osonlashtirish maqsadida ochiq-oshkora platforma ishga tushdi.
Izoh (0)