Beeline Uzbekistan raqamli operatori bilan hamkorlikda VEON AdTech raqamli mahsulotlarni ishlab chiqishda davom etmoqda. Geoanalitikani takomillashtirish asosiy yo‘nalishlardan biriga aylandi. 2023-yilda kompaniya mutaxassislari vositani modernizatsiya qilishdi va unga maqolada muhokama qilinadigan yangi xususiyatlarni joriy qilishdi. Yangilanishlar mijozlarni aniqroq maʼlumotlar bilan taʼminlaydi va xizmatdan mustaqil foydalanish imkoniyatini beradi.
Geointerfeysdagi aniq maʼlumotlar
VEON AdTech doimo intuitiv ravishda tushunarli va kuchli geotahlil vositasini mijozlarga ochiq foydalanish uchun taqdim etishga intiladi. Endi esa hech bir mubolag‘asiz aholining portreti va lokatsiyalar qatnovini ko‘rib borish mumkin. Ishlab chiqilgan geointerfeys mijozlarga hududlarni tanlash va kerakli ko‘rsatkichlarni to‘g‘ridan-to‘g‘ri xaritada tahlil qilish imkonini beradi. Unda joylarning statistik ko‘rsatkichlari — aholi zichligi, savdo nuqtalari, piyodalar va transport vositalari harakati va so‘nggi tendensiyalar haqidagi maʼlumotlar to‘planadi. Bunday yangilanishlar kompaniyalar uchun shubhasiz yangi istiqbollarni ochadi. Maqsadli auditoriya haqida to‘g‘ri tushunchani shakllantirib, kompaniyalar ular bilan maqsadli munosabatda bo‘lishlari mumkin bo‘ladi. Geomaʼlumotlarni samarali tarzda boshqarish va maʼlumotlarning to‘liq tahlili esa asosli qarorlar qabul qilish va reklama kompaniyalarida geoanalitikadan samarali foydalanishga yordam beradi.
Tafsilotlar uchun geoqatlam
Geoanalitika aniqroq bo‘lishi uchun kompaniya 2 ta asosiy yangilanishni amalga oshirdi, ulardan biri geoqatlam tizimidan foydalanish hisoblanadi. Ular o‘zaro tahlil qilish uchun biznes manfaatlaridan kelib chiqib hududlarni belgilaydi. Geoqatlam nafaqat geografik joylashuvni, balki aholi zichligi, ijtimoiy-iqtisodiy holati va auditoriyaning xulq-atvor xususiyatlari kabi boshqa parametrlarni ham hisobga oladi. Bunday imkoniyatlar bilan foydalanuvchilar biznes qarorlarini qabul qilish uchun oldindan maʼlumotlar sozlamalarini birlashtirishi va tahlil qilishi mumkin. Bu maqsadli geografik hududni tahlil qilish, targetingni yaxshilash, biznes uchun maqbul joyni tanlash va shahar infratuzilmasini rivojlantirishga yordam beradi.
Kvadratlar o‘rniga geksagonlar (to‘g‘ri oltiburchak)
Beeline Uzbekistan biznes xizmatlari xalqaro standartlarga muvofiq takomillashtirilmoqda. Geografik me’yorlashtirish va maʼlumotlarni to‘plashda aniqlikni oshirish uchun VEON AdTech olti burchakli (geksagon) tizimdan foydalanishga qaror qildi.
Texnik nuqtai nazardan, olti burchakli to‘r IT sanoatida eng maqbul variant sanaladi, chunki u har qanday sohani mukammal va ortiqcha to‘siqlarsiz birdek qamrab olish imkonini beradi.
Olti burchakli to‘rda maʼlumotlarni yig‘ish bir qator afzalliklarga ega:
- o‘zining geometriyasi tufayli harakatlarni tahlil qilish va hududiy aloqalarni o‘rnatishdagi xatolarni kamaytiradi;
- yer yuzasining egriligidan paydo bo‘lgan katta maydon bilan ishlashda kamchiliklarni sezilarli darajada qisqartiradi;
- batafsil maʼlumotlarni to‘plash va tegishli qonuniyatlarni ajratib olish imkonini beradi.
Ushbu yondashuv geografik hududlarni to‘g‘ri aniqlash va geotargeting sifatini yaxshilashga yordam beradi.
Beeline Uzbekistan geoanalitika vositasining takomillashtirilishi reklama va marketing sohasidagi kompaniyalar uchun yangi imkoniyatlarni ochib, ularga maqsadli auditoriya bilan yanada samarali muloqot qilish va geografik ma’lumotlarni chuqur tahlil qilish asosida reklama kompaniyalarini optimallashtirish imkonini beradi. Yangilangan xizmatdan 2024-yilning mart oyidan boshlab foydalanish mumkin.
Kompaniya haqida
VEON AdTech — raqamli va performance marketing hamda zamonaviy reklama texnologiyalarini, jumladan, o‘zining dasturiy platformalarini rivojlantirib boruvchi VEON kompaniyalar tarmog‘ining bir qismi hisoblanadi.
Shuningdek, kompaniya Big Data, sunʼiy intellekt va machine-learning texnologiyalaridan keng foydalanadi. VEON AdTech yuqori aniqlikdagi targeting, bozor ehtiyojlarini o‘rganish va do‘konlardagi mijozlar faolligini yoki tanlangan hududlardagi trafikni tahlil qilish xizmatlarini taklif qiladi. Raqamli marketing xizmatlari esa har qanday masshtabdagi biznesga shuningdek, davlat sektoriga mo‘ljallangan.
Facebook: fb.com/VEON.AdTech
Telegram: t.me/VeonAdTech
Twitter: twitter.com/VEON_AdTech
LinkedIn: linkedin.com/company/veon-adtech
Telefon raqami: (+998) 90−399−58−11
Reklama huquqi asosida.
Izoh (0)