Qozog‘istonlik seysmologlar tunda Olmaotada 2 balli zilzilani qayd etdi. Bu haqda Inform.kz xabar berdi.
Yer silkinishlari Ostona vaqti bilan 04:27 da qayd etilgan. Zilzila episentri Olmaota shahridan 293 kilometr janubi-sharqda Xitoy hududida joylashgan. Uning magnitudasi 4,5 ni, chuqurligi esa 10 kilometrni tashkil qiladi. Seysmologlar Olmaotadagi zilzila kuchini 2 ballga baholagan.
Shuningdek, Xitoyda tunda va ertalab yana bir nechta aftershoklar qayd etilgan (oxirgisi Ostona vaqti bilan 07:44 da), ular Qozog‘iston hududida sezilmagan.
Olmaotada 23-yanvarga o‘tar kechasi sodir bo‘lgan kuchli zilzila aholida vahima uyg‘otgan edi, ular ehtimoliy favqulodda vaziyat haqida oldindan ogohlantirilmagan. Keyingi kunlarda zilzilalar vaqti-vaqti bilan sezilarli darajada bo‘lgan. Yer silkinishlari mamlakatning boshqa hududlarida ham sezilgan.
Izoh (0)