“Mehridaryo” loyihasiga Qashqadaryo viloyati Kitob tumanida yashovchi Ochilova Mahsura murojaat qilib, yolg‘iz o‘g‘lini davolatish uchun xalqdan qayta yordam so‘radi.
— Uch nafar farzandim bor. Yolg‘iz o‘g‘lim Samir Isomiddinov 2020-yildan beri oqqon kasalligi bilan kurashib kelyapti. Shu kungacha 24 kurs kimyo terapiya muolajalarini oldi. Ammo shifokorlar bolamning to‘liq sog‘ayib ketishi uchun ilik ko‘chirish operatsiyasini o‘tkazish kerakligini aytyapti. Bu amaliyot O‘zbekistonda o‘tkazilmaydi, bolamni Hindiston yoki Turkiyaga olib borishimiz lozim. Davlatimizga rahmat, Turkiyada o‘tkaziladigan operatsiya uchun 70 ming AQSH dollari to‘lab beradigan bo‘ldi. Ammo yo‘l puli va yashash xarajatlarini o‘zimiz qoplashimiz kerak. O‘g‘limga katta qizim donorlik qilyapti. Shu bois, oiladan to‘rt kishi Turkiyaga boradi. Operatsiyadan keyin to‘rt oy xorijda yashashimiz kerak.
Ikki yil avval uyimiz va mashinamizni sotib bo‘lganmiz. Chunki kimyo muolajalari ham juda qimmat. Shu kungacha juda ko‘p insonlar yordam qo‘lini cho‘zdi. Agar imkonim bo‘lganida, yana ko‘mak so‘ramagan bo‘lardim. Ammo ilojsizman, bor umidimiz shu operatsiyadan. Yaxshi insonlar, men uchun emas, 7 yoshlik bolamning hayotga qaytishi uchun yordam beringlar. Hech bir ona farzandining dardini ko‘rmasin ekan. “Ona, men ham maktabga boramanmi? Qachon tuzalaman?”, degan gaplarini eshitganda ko‘nglimdan nimalar o‘tishini tasvirlab berolmayman, — deydi Mahsura Ochilova.
Samir Isomiddinovga xayriya qilishni istasangiz,
8600 0609 7042 0973
4073 4200 3753 6293 (Ochilova M)
Murojaat uchun: +99899) 193 89 99
Izoh (0)