Ayni vaqtda O‘zbekiston bo‘ylab Uzcard to‘lov tizimida uzilishlar kuzatilmoqda.
Kompaniya matbuot xizmatiga ko‘ra, Yagona umumrespublika protsessing markazi, 2024-yil 22-yanvar kuni soat 00:30 dan 09:00 gacha texnik va profilaktik ishlar olib bormoqda. Shu sababli ATM, E-POS, POS terminallarda aloqa ulanishida qisqa muddatli uzilishlar, Uzcard infratuzilmasida xalqaro to‘lov tizimlari kartalariga hamda xorijda kobeyj kartalariga xizmat ko‘rsatilishida uzilishlar ehtimoli mavjud.
Eslatib o‘tamiz, oktyabr va noyabr oylarida ham Humo kartalari orqali onlayn to‘lovlar va pul o‘tkazmalarini amalga oshirishda muammolar kuzatilgandi. O‘shanda Markaziy bank munosabat bildirib, vaziyatdan xabardorligini, hodisa sabablarini aniqlash uchun barcha zaruriy choralar ko‘rilayotganligi ma’lum qilgandi.
Izoh (0)