Qozog‘istonning Pavlodar viloyatidagi shaxta yaqinida 150 metr chuqurlikka tushib ketgan avtobus topildi. Bu haqda “Kommersant” xabar berdi.
Transport vositasi 4-yanvar kuni chuqurga tushib ketgandi. U geologik skaner yordamida aniqlangan. Avtobusning chuqurlikka tushib ketgani sababi ma’lum emas. Hodisa vaqtida avtobusda to‘rt kishi bo‘lgan: uch nafar qutqaruvchi va bir haydovchi.
7-yanvar kuni kechki payt Pavlodar viloyati hokimi Asain Bayxanov avtobusning joyi aniqlangani haqida xabar berdi. Endilikda mutaxassislar chuqurlikka kichik ekskavatorni tushirish orqali uni kengaytirishga harakat qilmoqchi. Ushbu ekskavator avtobusga yetib borguncha tuproqni olib tashlaydi.
Qidiruv ishlariga 136 kishi, 41 ta texnika, 3 ta kinologik brigada va 2 ta dron jalb etilgan. Hodisa 4-yanvar kuni mahalliy vaqt bilan taxminan soat 01:25 da “Maykainzoloto” AJ hududida sodir bo‘lgan. Shaxtadan 33 nafar ishchi evakuatsiya qilingan, hech kim jabrlanmagan.
Izoh (0)