Iroq bosh vaziri Muhammad Shia as-Sudaniy xorijiy harbiy qo‘shinlarning mamlakatdan olib chiqilishi boshlanganini e’lon qildi. Bu qaror “Hizbulloh an-Nujaba”ning dala qo‘mondoni Mushtoq Javad Qosim al-Javariyning Bag‘dodda Amerika zarbasidan halok bo‘lganidan keyin qabul qilingan.
“Hukumat xalqaro koalitsiya kuchlarining Iroqda bo‘lishini butunlay to‘xtatish choralarini ko‘ruvchi ikki tomonlama qo‘mita ishini boshlash sanasini belgilamoqda”, — deyiladi bosh vazir idorasi bayonotida.
Iroq bosh vazirining bayonoti Bag‘dodda dala qo‘mondoni Mushtaq Javad Qosim al-Javariy o‘ldirilgan zarbadan bir kun o‘tib yangradi. Pentagon hujum uchun mas’uliyatni o‘z zimmasiga oldi va o‘ldirilgan shaxs ‘‘Amerika harbiy xizmatchilariga hujumlarni rejalashtirish va tayyorlashda ishtirok etganini’’ ta’kidladi.
O‘z navbatida, Iroq hukumati Mushtaq Javad Qosim al-Javariy 2014-yilda “Islomiy davlat”ga qarshi kurashish uchun tuzilgan “Xalq safarbarlik kuchlari” guruhining a’zosi ekanligini ma’lum qildi.
Reuters agentligi maʼlumotlariga ko‘ra, 2014-yildan buyon “Islomiy davlat”ning qayta tiklanishiga yo‘l qo‘ymaslik uchun Iroqda 2,5 mingga yaqin amerikalik harbiylar joylashtirilgan.
Izoh (0)