Pentagonning sobiq maslahatchisi Ukraina bo‘yicha kutilmagan bayonot berdi

Pentagonning sobiq maslahatchisi, AQSH armiyasining iste’fodagi polkovnigi Duglas Makgregor Ukrainadagi vaziyat bo‘yicha kutilmagan bayonot berdi.

Uning so‘zlariga ko‘ra, Qo‘shma Shtatlar ukrainaliklar oldiga imkonsiz vazifani qo‘ygan.

“Biz ukrainaliklarga imkonsiz vazifa berdik va aslida u yerda o‘lishlarini aytdik. Men ukraina xalqi allaqachon yetarlicha azob chekkaniga ishonaman”, — deb yozgan Duglas X ijtimoiy tarmog‘ida.

Uning fikricha, AQSH “Kiyevdagi insofsiz jinoiy rejim bilan ish olib bormoqda”.

“Qachondir Afg‘onistonda sodir bo‘lgan narsa Kiyevda ham bo‘lishini ko‘ramiz”, — deya xulosa qildi u.

Avvalroq Wall Street Journal nashri ham shu kabi prognoz bergandi. Unda Ukraina Rossiya bilan urushda mag‘lub bo‘lsa, bu AQSHning amaldagi rahbari Jo Baydenning “ikkinchi Afg‘oniston” darajasidagi shaxsiy mag‘lubiyatiga aylanishi ta’kidlangan.

“Bosib olingan Ukraina Bayden uchun ikkinchi Afg‘onistonga aylanadi. Kutilayotgan strategik zarar — Putinning g‘alabasi, Xitoyning ilhomi — Kobuldagi mag‘lubiyatdan ko‘ra yomonroqdir. Respublikachilar hozircha bunga aralashishni istamaydi, agar Ukraina xalqi ikki yillik urushda shunchalik ko‘p insonni yo‘qotgan bo‘lsa, ular bunga aralashadi”, — deb yozgan WSJ.

Gap AQSH Senatining Ukrainaga 61 milliard dollarlik yangi harbiy yordam paketini ma’qullash bo‘yicha ketgan.