Shavkat Mirziyoyev 22-dekabr kuni Respublika Ma’naviyat va ma’rifat kengashining yig‘ilishida korrupsiya va jinoyatchilikka qarshi kurashish bo‘yicha amalga oshirilayotgan tezkor tadbirlarga to‘xtaldi.
“O‘zini ‘ko‘cha’ deb ataydigan jinoiy guruhlar bo‘ladimi, korrupsiyaga berilgan mansabdor shaxslar bo‘ladimi, kim qonunga bepisand qarab, davlat va jamiyatga zarar yetkazadigan bo‘lsa, biz bunga hech qachon jim qarab turolmaymiz. Ko‘chalarimiz, mahallalarimiz, hayotimiz tom ma’noda tinch va toza, jinoyatdan xoli bo‘lishi kerak”, — dedi prezident.
Davlat rahbari Yangi O‘zbekistonda qonun ustuvor, jinoyatga jazo muqarrar bo‘lishi shartligini va, albatta, shunday bo‘lishini ta’kidladi.
Izoh (0)