Yevropa Ittifoqi Rossiyaga qarshi sanksiyalarning 13 va 14-paketlarini hozirdanoq tayyorlamoqda. Bu haqda “Izvestiya” gazetasi Chexiya Yevroparlament deputati Tomash Zdexovskiyga asoslanib yozdi. Siyosatchining fikricha, yangi chora-tadbirlar ishlab chiqish ko‘p vaqt talab qilmaydi.
Ular tez orada YIga a’zo mamlakatlarga taqdim etiladi, — deydi Zdexovski.
Estoniya parlamenti deputati Jana Toomning qo‘shimcha qilishicha, yangi sanksiyalarni joriy qilish tashabbusi katta ehtimol bilan, asosan, Boltiqbo‘yi davlatlaridan chiqadi.
Ammo sanksiyalar vositasi cheksiz emas, buning, albatta, chegarasi bor va u tez orada yetib keladi, — dedi u.
Avvalroq Yevropa Ittifoqi Ukrainaga bostirib kirishi sababli Rossiyaga qarshi joriy qilingan 12-sanksiya paketini ma’qullagan edi. Unda 61 nafar shaxsga, shuningdek, 86 korxona va tashkilotga nisbatan yangi cheklovlar joriy etilgan.
Izoh (0)