Kanadalik mashhur xonanda Selin Dionda kam uchraydigan nevrologik kasallik aniqlangan edi. Maʼlum bo‘lishicha, yaqinda xonandaning ahvoli yomonlashgan. Bu haqda uning opasi Klodett Dion maʼlum qilmoqda.
Selin Dion shu yilning noyabr oyida Keti Perrining konsertida qatnashib, muxlislarga tez orada sahnaga qaytishga umid bergan edi.
Opasining taʼkidlashicha, Dion xastalik tufayli tanasini nazorat qila olmayapti, yaqinlari esa og‘riqni yengillashtirishga yordam bera olmayapti.
“U ko‘p harakat qilishiga va intizomiga qaramay, tanasidagi nazoratni yo‘qotgani meni qattiq tashvishga soldi”, — deydi Klodett Dion.
Uning qo‘shimcha qilishicha, Selinning tashxisi kam o‘rganilgan va hozirgacha xonandaga yordam beradigan dori topilmagan, lekin qo‘shiqchining qarindoshlari umidlarini yo‘qotmaganini, Dionning o‘zi esa sahnaga qaytishni orzu qilishini aytdi.
Maʼlumot uchun, bir yil muqaddam xonanda xastalik belgilari boshlangani tufayli Yevropa bo‘ylab gastrol konsertlarini bekor qilgan edi.
Izoh (0)