Shavkat Mirziyoyev raisligidagi yig‘ilishda eksport bo‘ladigan 10 mahsulotni tashqi bozorlarga olib kirishda ko‘plab to‘siqlar borligi aytildi. Bu haqda Prezident matbuot xizmati xabar berdi.
Bugungi kunda trikotaj kiyim va mato, gazlama, kabel, maishiy texnika, mevalar, uzum, dukkakli ekinlar, qayta ishlangan meva-sabzavot kabi eng ko‘p eksport bo‘ladigan 10 turdagi mahsulotni tashqi bozorlarga olib kirishda ko‘plab to‘siqlar borligi qayd etildi.
Ta’kidlanishicha, tarmoqlar har doimgi eksport bozorlari bilan cheklanib qolayapti, yangi bozorlarga kirib borishga ularda toqat yetishmayotgani ko‘rsatib o‘tildi
Mutasaddilarga eksportbop 10 turdagi tayyor mahsulotning har biriga 10 tadan yangi istiqbolli bozorni belgilab, bozorlarda mahsulotlarga texnik va sifat talablarini o‘rganib, o‘zimizni korxonalarga ularni o‘rgatish, laboratoriyasiga yordam berish topshirildi.
Xorijdagi hamkasblar bilan muzokara o‘tkazib, sertifikat, boj va yig‘imlarni yumshatish bo‘yicha choralar ko‘rish vazifasi qo‘yildi.
Izoh (0)