Serbiyaning Belgrad shahrida dzyudo bo‘yicha klublar o‘rtasida Yevropa chempionlar ligasi bo‘lib o‘tdi.
“Ko‘hna qitʼa” jamoalarida ishtirok etgan o‘zbekistonlik sportchilar sovrinli o‘rinlarni egalladi.
Gretsiyaning “Aris” klubi sharafini himoya qilgan Sardor Nurillayev (-66 kg) va Murodjon Yo‘ldoshev (-73 kg) kumush medallarga sazovor bo‘ldi.
Diyora Keldiyorova (-52 kg) Turkiyaning “Galatasaray”, Shohruh Mamarasulov esa Serbiyaning “Red star” jamoasi bilan bronza medalini qo‘lga kiritdi.
Musobaqada Shahram Ahadov (-73 kg) va Alisher Yusupov (+100 kg) Ispaniyaning “Stabiya” klubi tarkibida qatnashdi. Biroq ushbu jamoa shohsupaga ko‘tarila olmadi.
Izoh (0)