Falastinning HAMAS harakatining shafqatsizligi falastinliklarni jamoaviy jazolash uchun asos bo‘lishi mumkin emas. Bu haqda BMT bosh kotibi Antoniu Guterrish Xavfsizlik kengashining Yaqin Sharqdagi vaziyatga bag‘ishlangan yig‘ilishida ma’lum qildi.
![](/static/2023/gutterish5.jpg)
“HAMAS tomonidan sodir etilgan vahshiylik hech qachon Falastin xalqining jamoaviy jazolanishini oqlay olmaydi. HAMASning Isroilga raketa hujumlari va tinch aholidan tirik qalqon sifatida foydalanishi urush qonunlariga zid bo‘lsa-da, bunday xatti-harakatlar Isroilni javobgarlikdan ozod etmaydi. Xalqaro gumanitar huquq fuqarolarni himoya qilish, mutanosiblik va ehtiyotkorlik tamoyillariga rioya qilish majburiyatini o‘z ichiga oladi”, — dedi u.
Avvalroq Antoniu Guterrish G‘azo sektorida Falastin-Isroil mojarosi avj olganidan beri BMTning 100 nafardan ortiq xodimi halok bo‘lganini ma’lum qilgandi.
Izoh (0)