6-dekabrdan boshlab Uzbekistan Airways milliy aviatashuvchisining sho‘ba korxonasi hisoblangan Uzbekistan Helicopters boshqaruviga o‘tgan Silk Avia mintaqaviy aviakompaniyasi respublika ichidagi barcha yo‘nalishlar bo‘yicha yangi tariflar joriy etilganini e’lon qildi.
Shuni ta’kidlash kerakki, aviaqatnovlar narxi o‘rtacha 40% gacha pasaytiriladi:
- Toshkent – Samarqand – Toshkent: 202 000 so‘mdan
- Toshkent – Farg‘ona – Toshkent: 188 000 so‘mdan
- Toshkent – Namangan – Toshkent: 188 000 so‘mdan
- Toshkent – Buxoro – Toshkent: 215 000 so‘mdan
- Toshkent – Navoiy – Toshkent: 215 000 so‘mdan
- Toshkent – Qarshi – Toshkent: 188 000 so‘mdan
- Toshkent – Termiz – Toshkent: 295 000 so‘mdan
- Toshkent – Urganch – Toshkent: 295 000 so‘mdan
Shunday qilib, Silk Avia aviakompaniyasi respublika ichidagi yo‘nalishlar tarmog‘ini yanada faol rivojlantirishni rejalashtirmoqda. Bundan tashqari, parvozlar jadvalida o‘zgarishlar kutilmoqda, bu esa ko‘proq mahalliy aviaqatnovlarni amalga oshirish imkoniyatini taqdim etadi. Bu, o‘z navbatida, ichki turizmni rivojlantirish va sayohatchilarning e’tiborini mehmondo‘stligi, boy tarixi va xilma-xil taomlari bilan mashhur bo‘lgan O‘zbekiston shaharlariga jalb qilish uchun sharoit yaratadi.
Silk Avia, shuningdek, aviachiptalarga sezilarli o‘zgarishlar kiritib, foydali parvozlar uchun ko‘proq imkoniyatlar yaratmoqda. O‘zgarishlar haqida yaqin kunlarda aviakompaniya saytida bilib olishingiz mumkin.
Silk Avia aviaqatnovlariga aviachiptalarni rasmiy www.silk-avia.com sayti, mobil ilovasi, O‘zbekistonning barcha xalqaro aeroportlari, yoki Toshkent shahri, Yakkasaroy tumani, Shota Rustaveli ko‘chasi, 9-uyda joylashgan Uzbekistan Airways Sales sotuv filialida xarid qilish mumkin.
Sheriklik huquqi asosida.
Izoh (0)