Qashqadaryo viloyatida yashirin yog‘ ishlab chiqarish sexida 235 million so‘mlik elektr energiyasidan noqonuniy foydalanilgani aniqlandi, deb xabar beradi Bosh prokuratura huzuridagi departament.
Ma’lum qilinishicha, departamentning Shahrisabz shahar bo‘limi va IIB xodimlari hamkorligida tezkor tadbir o‘tkazilgan. Tadbirda I.V. ismli shaxs fuqaro X.A.ga tegishli noturar binoning yordamchi xo‘jaligida yashirin sex tashkil etib, qo‘lbola usulda yasalgan moyjuvoz uskunasi yordamida isteʼmolga yaroqsiz yog‘ mahsulotlari ishlab chiqarib kelayotgani aniqlangan. U sotish uchun tayyorlab qo‘yilgan yog‘ mahsulotlari va ishlab chiqarishda foydalanilgan boshqa tovar moddiy boyliklar ashyoviy dalil sifatida olingan. Shuningdek, I.V. umumiy foydalanishdagi elektr tarmog‘iga o‘g‘rilik yo‘li bilan ulanib, jami 235 million so‘mlik elektr energiyasidan noqonuniy foydalangan.
Xuddi shunday, departamentning Kitob tuman bo‘limi tomonidan o‘tkazilgan tezkor tadbirda fuqaro L.B. tanishiga tegishli noturar binoning yordamchi xonasida yashirin sex tashkil etib, isteʼmolchilarning hayoti va sog‘lig‘i xavfsizligi talablariga javob bermaydigan yog‘ mahsuloti ishlab chiqarayotganligi aniqlanib, 600 litr yog‘, 175 kilogramm chigit va boshqa ishlab chiqarishda foydalanilgan tovar moddiy boyliklar ashyoviy dalil sifatida olingan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
- Surxondaryoda iyun oyida ham iste’molga yaroqsiz yog‘ mahsulotlari muomalaga kiritilishining oldi olingandi.
- Xorazmda bo‘lsa inson sog‘lig‘i uchun xavfli spirtli ichimliklarni tayyorlab kelgan shaxs faoliyatiga chek qo‘yilgani,
- Namanganda 550 million so‘mlik dori vositalari yo‘q qilingani to‘g‘risida xabar berilgandi.
Izoh (0)