Toshkent shahrida “Salimboy” nomi bilan tanilgan Salim Abduvaliyev qo‘lga olingani xabar berildi. “Daryo” mazkur xabarga aniqlik kiritish maqsadida Ichki ishlar vazirligi axborot xizmati rahbari Shohruh G‘iyosov bilan bog‘landi.
Mas’ul Salimboyning ushlangani haqidagi xabarni izohlar ekan “Aniqlashtirib, ma’lum hajmda rasmiy berib boryapmiz. Yangilik bo‘lishi bilan e’lon qilamiz”, — deya javob qaytardi. Hamda holat rasmiy axborotda ochiqlanishini bildirdi.
Tarmoqlarda tarqalgan xabarlarga ko‘ra, Salimboy Jinoyat kodeksining bir qator moddalarida gumon qilinib, qo‘lga olingan. Yana bir manbaga ko‘ra, Salim Abduvaliyev Toshkent shahrida joylashgan “oq uyi”dan olib ketilgan.
Avvalroq, Toshkent shahar IIBB poytaxtda “Baxti tashkentskiy” laqabi bilan tanilgan Qudratullayev Baxtiyor Zafarovich qo‘lga olinganini ochiqlagandi.
Izoh (0)