Isroil HAMAS harakatiga qarshi kamida yana bir yil davom etishi mumkin bo‘lgan uzoq muddatli harbiy kampaniyaga hozirlik ko‘rmoqda. Bu haqda The Financial Times (FT) xabar berdi.
Nashrning yozishicha, hujumning eng shiddatli bosqichi 2024-yil boshida bo‘lishi kutilmoqda.
Isroil qo‘mondonligining maqsadlari qatoriga G‘azo sektoridagi HAMAS yetakchisi Yahyo Sinvar, harakatning harbiy rahbari Muhammad al-Deyf va HAMASning yana bir yuqori martabali a’zosi Marvan Isoni yo‘q qilish kiradi.
Harbiy salohiyatni yo‘q qilishdan tashqari, Isroil G‘azodagi tunnel tizimini va anklavdagi HAMASning “nazorat salohiyatini” yo‘q qilmoqchi.
Bugun 1-dekabr kuni Isroil mudofaa kuchlari 7 kunlik pauzadan so‘ng G‘azo sektorida jangovar harakatlarni qayta boshlanganini ma’lum qilgandi.
Izoh (0)