Hammamiz bolaligimizda sevib tomosha qilgan “Uyda yolg‘iz”, “Styuart Littl” hamda “Uddaburon bolalar” kabi filmlarda bosh qahramonlarni gavdalantirgan aktyorlar bugun qanday ko‘rinishda ekanligi ko‘pchilikka qiziq.
Makoley Kalkin — “Uyda yolg‘iz”
1990-yilda “Uyda yolg‘iz” filmi ekran yuzini ko‘radi. Kartina ijodkorlari filmning boshqa yangi rojdestvo filmlaridan ko‘proq muvaffaqiyat qozonishini kutmagan edi, lekin tez fursatda hit darajasiga ko‘tarildi. Bosh rol ijrochisi Makoley yulduzga aylandi va shundan so‘ng, “Mening qizim”, “Boyvachcha Rich” filmlarida ham rollar ijro etgan. Kalkinda Gollivudda katta marralarni zabt etish imkoniyati bor edi. Ammo otasi Makoleyning gonorar summasini oshirib yuborgani tufayli filmlarga taklif kamaygan. Natijada yosh aktyor faoliyatini erta yakunlashga majbur bo‘lgan. Kalkin noto‘g‘ri qarorlar orqali qiyin yo‘lni bosib o‘tdi, ammo hozir unda hammasi yaxshi. Makoley Brenda Song ismli qizga uylangan va ikki nafar farzandning otasidir.
Anjelika Xyuston — “Adamslar oilasi”
Anjelika Xyustonning faoliyati 1991-yilda tasvirga olingan “Adamslar oilasi” filmi bilan uzviy bog‘liq. Kartina unga katta shon-shuhrat keltirgan, garchi u karyerasini film premyerasidan 25 yil oldin boshlagan bo‘lsa ham. Ko‘pchilik Anjelikani “Jodugarlar”, “Abadiy sevgi hikoyasi” filmlari bilan ham yaxshi taniydi. Shuningdek, u 2019-yilda “Jon Uik” filmining uchinchi qismida ham suratga tushdi.
Jonatan Lipniski — “Styuart Littl”
“Styuart Littl” filmi gapiradigan sichqonchani asrab olgan kichik oila haqida hikoya qiladi. Yolg‘iz farzand Jorj ukasi bo‘lishini orzu qilgan, lekin asrab olingan “uka” sichqon bo‘lib chiqishi bilan uning orzulari puchga chiqadi. Avvaliga Jorj Styuartni yoqtirmaydi, lekin vaqt o‘tishi bilan ularning aloqalari yaxshilanadi.
Filmda bosh rollarni Jonatan Lipniski, Jina Devis va Xyu Lori ijro etgan, Styuart esa Maykl Jey Foks tomonidan ijro etilgan. Jonatan kinokartina suratga olingan paytda taxminan 8 yoshda bo‘lgan. Hozir esa 33 yoshda. 2000-yillarda u faoliyatida biroz tanaffus qiladi. Qaytish esa oldingisi kabi muvaffaqiyatli chiqmaydi.
Glenn Klouz — “101 ta dolmatin”
Glenn Klouz o‘zining uzoq yillik faoliyati davomida har xil janrdagi filmlarda suratga tushishga muvaffaq bo‘lgan. Lekin o‘zini bolalar ijodida topdi, desak adashmagan bo‘lamiz. Ular orasida hammamiz sevib tomosha qilgan “Kapitan kryuk”, “101 ta dolmatin” kabi multfilmlar bor. Glenn “101 ta dolmatin” multifilmida yovuz qahramon Kruella de Vill rolini ijro etgan. Oradan 25 yil o‘tib, Glenn Kruella de Vill obrazini “Kruellla” filmida ham mahorat bilan ijro etdi.
Deril Sabara va Aleksa Vega — “Uddaburon bolalar”
2000-yillarning boshida “Uddaburon bollar” trilogiyasi ekranga chiqarilgan. Unda bosh rollarni Deril Sabara va Aleksa Vega ijro etgan. Ular doimiy ravishda turli og‘ir jinoiy ishlarga aralashib qolgan va o‘z harakatlari bilan ko‘p insonlarni qutqargan aka-singil rolini gavdalantirgan. Deril va Aleksa hali ham film va seriallarda rol o‘ynashda davom etmoqda, ammo uzoq yillardan beri 2000-yillarning boshidagi kabi katta rollarga chaqirilmayapti.
Deniel Redkliff, Emma Uotson va Rupert Grint — “Garri Potter”
Bosh rol ijrochilarini tanlash uchun film ijodkorlari bir hafta ichida minglab bolalarni kastingdan o‘tkazishga to‘g‘ri kelgan. Natijada Deniel, Emma va Rupert tanlab olingan. Film rejissori Kris Kolambus tasodifan “Devid Kopperfild” filmini tomosha qilayotganda Devid rolini o‘ynagan yosh yigitchani payqab qoladi. Suratga olish jarayoni bir necha yilni tashkil etgani uchun Denielning ota-onasini ko‘ndirish ham oson kechmagan.
“Garri Potter” filmidan so‘ng, Deniel o‘z obrazidan uzoqlashib, “Pretoriyadan qochish”, “Mutlaq kuch”, “Jungli”, “Xavfli topshiriq”, va boshqa kinokartinalarda kutilmagan va g‘ayrioddiy rollarni o‘ynadi. Lekin hozirgacha hech biri “Garri Potter”dan o‘zib ketgan emas.
Emma yangi filmlarda unchalik ham ko‘p rol ijro etavermaydi, lekin uning ham ijrosida bir nechta salmoqli kartinalar bor: “Merlin bilan 7 kun va tun”, “Sohibjamol va maxluq”, “Sfera”, “Kichik ayollar” shular jumlasidan.
Rupert Grint uzoq vaqt davomida kinoda o‘zini topa olmadi, ammo endi u o‘z yo‘nalishini teleserialda tanlagan ko‘rinadi.
Izoh (0)