Amerikalik qo‘shiqchi va aktrisa Jennifer Lopesning uzoq kutilgan This is Me... Now albomi 2024-yilning 16-fevralida Nuyorican/BMG leyblida eʼlon qilinadi.
Xonanda albomning chiqish sanasini YouTube kanaliga joylagan tizerda eʼlon qildi.
“Musiqiy tajribaga ega bo‘lish bu — musiqa, kino va reallik aro namoyon bo‘lish, muhabbat haqidagi haqiqatni izlash yo‘lidagi bir umrlik sayohatdir”, — deydi Lopes.
Shuningdek, u yangi albomga kiritilgan Canʼt Get Enough trekidagi parcha bilan ham bo‘lishdi. Canʼt Get Enough treki 10-yanvarda chiqishi kutilmoqda.
This is Me… Now yuzduzning 10 yil ichidagi birinchi albomi hisoblanadi. Uning oxirgi albomi A.K.A nomi bilan 2014-yilda chiqib, Billboard 200ʼda 8-o‘rinni egallagan edi.
Lopes This is Me… Now albomining tayyorlanayotganligini 2020-yilda eʼlon qilgan. Bu uning 2002-yil 25-noyabrda chiqargan This is Me… Then albomining mantiqiy davomidir. O‘sha paytlar u aktyor Ben Afflek bilan oila qurgan. Keyinchalik juftlik ajrashgan. Hozir esa yana munosabatlarni qayta tikladi.
This is Me…Then qo‘shiqchining eng mashhur albomlarida biri hisoblanadi. Unda Lopesning Iʼm Glad, Jenny from the Block kabi xitlari joy olgan.
Yangi albomda Afflekka bag‘ishlangan Dear Ben pt. II, qo‘shig‘i ham bor. Bu 2002-yildagi Dear Ben qo‘shig‘ining davomi hisoblanadi.
Izoh (0)