Xitoy raisi o‘rinbosari Xan Chjen O‘zbekiston tashqi ishlar vaziri Baxtiyor Saidov boshligidagi delegatsiyani qabul qildi. Bu haqda TIV rahbari o‘zining Telegram’dagi kanaliga yozib qoldirdi.
“Rahbarlarimiz o‘rtasida yaqin do‘stlik va ikki tomonlama munosabatlari barcha sohalarda yuqori surʼatlarda rivojlanayotganini yana bir bor taʼkidladik. O‘zbekiston va Xitoy buyuk tarixiy meros va barqaror rivojlanishga qaratilgan mushtarak maqsadlarga ega”, — deydi Saidov.
Unga ko‘ra, so‘nggi yillarda boshqa sohalar qatorida savdo aloqalari va investitsiyaviy hamkorlik misli ko‘rilmagan, ko‘proq ish o‘rinlari va texnologik jihatdan rivojlangan iqtisodiyot yaratishga yo‘naltirilgan darajaga ko‘tarilgan. “Erishilgan yutuqlar talaygina, yanada ko‘prog‘i esa hali oldinda”, — deya ta’kidlaydi O‘zbekiston TIV rahbari.
O‘zbekiston tashqi ishlar vaziri Baxtiyor Saidov 19-noyabrdan beri Xitoyda bo‘lib turibdi. Aprel oxirlarida Baxtiyor Saidov xitoylik hamkasbi Sin Gan bilan muzokara o‘tkazgan edi. Shuningdek, u o‘shnda Shensi provinsiyasi partiya kotibi Chjao Ide bilan uchrashib, O‘zbekiston—Xitoy hududlararo aloqalarini rivojlantirish masalalarini ko‘rib chiqqan.
Izoh (0)