Bishkek shahar sudi mamlakat chegarasini noqonuniy kesib o‘tishda gumonlanib qo‘lga olingan rossiyalik faol Mansur Movlayevni deportatsiya qilish bo‘yicha qaror qabul qildi. Bu haqda Qirg‘iziston Oliy sudiga tayanib, “TASS” xabar berdi.
“Bishkek shahar sudida Mansur Movlayevga nisbatan jinoyat ishi ko‘rib chiqildi. Uning shu kungacha jazoni o‘tagani inobatga olinib, sud zalidan ozod qilindi”, — deyiladi xabarda.
Sud Rossiya fuqarosini mamlakatdan chiqarib yuborish majburiyatini Milliy xavfsizlik davlat qo‘mitasi IIV va respublika migratsiya xizmati zimmasiga yukladi.
“Bishkekning Pervomaysk tumani prokurori katta yordamchisining apellyatsiya arizasi va advokatning shikoyati qanoatlantirilmadi”, — deyilgan sudda.
Movlayev yozda Qirg‘iziston aeroportida mamlakat chegarasini noqonuniy kesib o‘tishga gumonlanib qo‘lga olingandi. Oktyabr oyida unga 6 oy axloq tuzatish koloniyasi tayinlangan edi. Qirg‘iziston hududidagi tergov izolyatorida 3 oy o‘tirdi, bu esa koloniyada jazo o‘tashning 6 oyiga teng hisoblanadi — mamlakat qonunchiligiga ko‘ra, izolyatordagi bir kun jazoni o‘tash koloniyasidagi ikki kunga teng.
Mansur Movlayev bir necha bor Chechenistonda inson huquqlari buzilishi va siyosiy repressiyalarga qarshi chiqqan. U respublika rahbari Ramzan Qodirovni tanqid qilgan. 2020-yilda u uch yillik qamoq jazosiga hukm qilindi. 2022-yilda Movlayev shartli ravishda ozodlikka chiqarilgan, biroq u Chechenistonning Shalinskiy tumani ichki ishlar boshqarmasi xodimlari tomonidan hibsga olingan. Movlayev Rossiyadan qochishga muvaffaq bo‘lgan va federal qidiruvga berilgan.
Izoh (0)