AQSHning sobiq birinchi xonimi Rozalin Karter 97 yoshida vafot etdi. Bu haqda Karterlar xayriya markazi matbuot xizmati xabar berdi.
Ma’lum qilinishicha, Karter xonim 19-noyabr kuni o‘z uyida olamdan o‘tgan. “U tinch, oila davrasida ko‘z yumdi”, — deyiladi xabarda. 17-noyabr kuni ayol uyida xospis yordamini olishni boshlagandi.
Rozalin 1946-yilda Jimmi Karterga turmushga chiqqan edi, u esa 1977—1981-yillarda Qo‘shma Shtatlar prezidenti bo‘lgan.
“Rozalin men nimagaki erishgan bo‘lsam, barchasida teng huquqli sherigim bo‘ldi. U menga dono maslahatlari va kerak bo‘lganda qo‘llab-quvvatlovini berib turdi. Rozalin hayot ekan meni kimdir yaxshi ko‘rishi va ko‘maklashishini bilib yashadim”, — degandi Karter 2023-yili 1-oktyabrda.
Rozalin Karter birinchi xonimligi vaqtida Amerika sog‘liqni saqlash tizimi uchun vaksinatsiyani oddiy amaliyotga aylantirdi — 1981-yilda maktabgacha yoshda bo‘lganlarning 95 foizi qizamiq va boshqa kasalliklarga qarshi emlandi. Shuningdek, AQSH prezidenti rafiqalari orasida birinchi bo‘lib Jahon sog‘liqni saqlash tashkiloti qarshisida chiqish qildi.
Oila 1980-yildan boshlab xayriya bilan shug‘ullanib keldi. Karter ruhiy kasalligi bo‘lgan odamlar kamsitilishiga qarshi kurashdi, Qo‘shma Shtatlarda va xorijda ruhiy salomatlik xizmati sifatini yaxshilash ustida ishladi hamda ruhiy salomatlik xizmatini targ‘ib qildi.
Izoh (0)