Floyd Meyvezer mafiya boshlig‘i nabirasiga qarshi revansh jangida ishtirok etadi

Besh vazn toifasida sobiq jahon chempioni Fleyd Meyvezer Jon Gotti III ga qarshi revansh jangida ishtirok etadi.

Ko‘rgazmali jang fevral oyida Las-Vegasda bo‘lib o‘tadi. Jangning aniq sanasi keyinroq e’lon qilinadi.

Eslatib o‘tamiz, Meyvezer va Gotti III o‘rtasida jang iyun oyida bo‘lib o‘tgan edi. Sakkiz raundga mo‘ljallangan jangning to‘rtinchi raundida raqiblar o‘zaro tortishib ketdi. Oltinchi raundda Jon qoidalarni doimiy ravishda buzgani uchun diskvalifikatsiya qilingan. Shundan so‘ng Gotti III hakamning to‘xta ishorasiga bo‘ysunmay Floydga hujum qilgan. 

Meyvezerning jamoasi va Gottining vakillari ham janjalga aralashgan. Shundan so‘ng ommaviy mushtlashuv boshlangan. Hakam esa jangni o‘tkazilmagan deb topgandi. 

Ma’lumot uchun, sobiq MMA jangchisi Jon Gotti III Nyu-York mafiyasining boshlig‘i bo‘lgan marhum Jon Gottining nabirasi hisoblanadi.