AQSH poytaxtida 20-noyabr kuni o‘tkazilishi rejalashtirilgan Ozarbayjon va Armaniston tashqi ishlar vazirlarining uchrashuvi bekor qilindi. Boku “Vashingtonning noxoliy pozitsiyasi” sabab unda ishtirok etishgan bosh tortgan.
Mazkur uchrashuvda arman—ozar munosabatlarini normallashtirish masalasi muhokama qilinishi kerak edi. Ozarbayjon tomonining uchrashuvni bekor qilishiga AQSH davlat kotibining Yevropa va Yevroosiyo bo‘yicha yodamchisi Jeyms O’Brayen tomonidan aytilgan so‘zlar sabab bo‘lgan. U Vakillar palatasining xorijiy ishlar bo‘yicha qo‘mitasini Tog‘li Qorabog‘ masalasi bo‘yicha yig‘ilishida chiqish qilib, AQSHning Ozarbayjon bilan munosabatlari “tinchlik tomon olg‘a siljish bo‘lmas ekan” 19-sentyabrdan oldingi holatga qaytmasligini ma’lum qildi.
Boku O’Brayenning so‘zlarini “teskari, asossiz va qabul qilib bo‘lmaydigan” deb atagan. Ozarbayjon Tashqi ishlar vazirligi, shuningdek, “AQSHning bir tomonlama yondashuvi Janubiy Kavkazda ikki davlat o‘rtasidagi mojaroda uning vositachi rolini yo‘qotishiga olib kelishi mumkinligini” ta’kidlagan.
Avvalroq Ozarbayjon davlat xavfsizlik xizmati xodimlari tan olinmagan Tog‘li Qorabog‘ Respublikasining sobiq prezidentlari Arkadiy Gukasyan va Bako Saakyanni qo‘lga olgani, Ozarbayjonning harbiy amaliyoti va tan olinmagan respublika aholisining ommaviy ko‘chib ketishidan so‘ng Qorabog‘da 50 dan 1000 gacha etnik armanlar qolgani to‘g‘risida xabar berilgandi.
Izoh (0)