Xitoy rahbari Si Szinpin Osiyo-Tinch okeani iqtisodiy hamkorligi sammitida ishtirok etish, shuningdek, AQSH prezdienti Jo Bayden bilan muzokaralar o‘tkazish uchun San-Fransiskoga yetib keldi, deb xabar beradi Reuters.
Qayd etilishicha, Si Szinpin 15-noyabr kuni Jo Bayden bilan uchrashadi, keyin esa sammitdagi ishtirokini boshlaydi. AQSH va Xitoy yetakchilari o‘tgan bir yil ichida birinchi marta yuzma-yuz uchrashadi va bu mamlakatlar o‘rtasidagi siyosiy ziddiyatni kamaytirishga xizmat qilishi kutilmoqda.
Ta’kidlanishicha, Xitoy yetakchisi oxirgi marta Qo‘shma Shtatlarga 6 yil oldin tashrif buyurgan.
Avvalroq AQSH va Xitoy o‘rtasidagi munosabatlarning Tayvan tufayli keskinlashishi va Pekinning Vashington bilan mojaroning oldini olish uchun aloqa qilishdan bosh tortishi uchinchi jahon urushiga olib kelishi mumkinligi to‘g‘risida aytilgan edi.
Izoh (0)