Turkiyaga ishlashga ketib, diniy ekstremistik oqimga tushib qolgan o‘zbekistonlik erkak qidirilmoqda. Bu haqda Andijon viloyati IIB axborot xizmati xabar berdi.
Ma’lum qilinishicha, qidiruvdagi shaxs 1975-yil Andijon viloyatining Shahrixon tumanida tug‘ilgan. 2009-yilda Turkiyaning Istanbul shahriga mavsumiy ishlash uchun borgan. Bu joyda xalqaro terroristik tashkilot targ‘ibotchilari Sodiq Samarqandiy va Abdulloh Zufarning ma’ruzalarini ijtimoiy tarmoqlar orqali tinglab, ma’ruzalar ta’sirida yaqin tanishlari bilan birgalikda jamoa tashkil qilgan.
U Jihodchilar diniy ekstremistik oqimi g‘oyalarini targ‘ib qilish bilan shug‘ullanish bilan birga O‘ZKADga a’zo bo‘lgan. O‘zKAD bu — O‘zbekiston madaniy ta’lim va birdamlik uyushmasi. 2009-yilda O‘zbekiston Jinoyat kodeksining 244-moddasi 1-qismi bilan jinoyat ishi qo‘zg‘atilib, unga nisbatan qidiruv e’lon qilingan.
Izoh (0)