Qozog‘istonda Oltoy shahridagi maydonda ta’mirlash ishlari paytida qulab tushgan Lenin haykalini qayta tiklamaslik bo‘yicha petitsiya boshlandi. Bu haqda KazTAG xabar berdi.
Ishchilarning aytishicha, yodgorlik “o‘z-o‘zidan qulagan”, garchi videoda haykal joyidan siljitilganini ko‘rish mumkin.
Petitsiyada Lenin zo‘ravonlikning prinsipial tarafdori bo‘lgani va SSSRni ko‘plab xalqlarning, jumladan, qozoqlarning ham suyagi va qoniga qurgani aytiladi: “Bu Golodomor, qatag‘onlar, urushlar, repressiyalar, Semipalatinsk poligonidagi yadro sinovlari, qurigan Orol dengizi va boshqalardir”, — deyiladi petitsiyada.
Lenin haykali restavratsiyasiga qarshilar uning o‘rniga mamlakat taraqqiyotiga hissa qo‘shgan Qozog‘istonning haqiqiy qahramonlari xotirasini abadiylashtirishni taklif qilmoqda.
Petitsiya e’lon qilingan paytda 2853 kishi Lenin yodgorligini boshqasiga almashtirish tashabbusini qo'llab-quvvatlagan, 1484 kishi esa qarshi chiqqan.
Izoh (0)