“Rosselxoznadzor”ning Chelyabinsk va Ko‘rgan viloyatlari bo‘yicha boshqarmasi tomonidan 26-oktyabr kuni O‘zbekistondan import qilingan xurmo mahsulotlaridan zararli hasharot aniqlandi. Bu haqda “Rosselxoznadzor”ning hududiy boshqarmasi matbuot xizmati xabar berdi.
Qayd etilishicha, O‘zbekistondan import qilingan xurmolar karantindagi zararli hasharot — “Komstrok” (Pseudococcus comstocki Kuwana) aniqlangani uchun kiritilmagan. 19 tonnalik partiya O‘zbekistonga qaytarilgan.
“Fitosanitariya ekspertizasi chog‘ida umumiy og‘irligi 19 tonna bo‘lgan xurmo partiyasida Rossiyaga kiritilishi taqiqlangan hasharotlar bo‘lgan. Bu o‘simliklarning ko‘p turlari taʼsir qiladi va yo‘q qilish qiyin” — deyiladi xabarda.
Mahsulot egasiga Rossiya qonunchiligida o‘simliklar karantini sohasidagi talablar tushuntirilgan.
Komstok — dunyoning ko‘plab mamlakatlarida, shu jumladan, Rossiya va Yevrosiyo iqtisodiy ittifoqida karantin maqomiga ega bo‘lgan xavfli va yo‘q qilinishi qiyin bo‘lgan zararkunanda. Bu juda keng polifagli o‘simlik bo‘lib, turli xil ekinlarga zarar yetkazadi.
May oyida Rossiyada o‘zbek gilosidan virus topilgani, bu O‘simliklar karantini va himoyasi agentligi tomonidan o‘rganilayotgani haqida xabar berilgan edi. O‘simliklar karantini va himoyasi agentligi vakili o‘shanda bu zararkunanda Rossiya uchun xam karantin hisoblanmasligini ma’lum qilgandi.
Izoh (0)