Xanchjou—2022. O‘zbekiston delegatsiyasi para yengil atletika bo‘yicha bitta oltin va bitta bronza medalini qo‘lga kiritdi, para dzyudo bo‘yicha esa bitta bronza medaliga ega chiqdi

Xanchjou—2022 IV Para Osiyo o‘yinlari 23-oktyabr, dushanba kuni bo‘lib o‘tmoqda.

Para yengil atletikaning ayollar o‘rtasida F12 klassida yadro uloqtirish dasturida ishtirok etgan Safiya Burxanova 13.87 metr natija bilan oltin medalni qo‘lga kiritdi.

Para taekvondo bo‘yicha ayollar o‘rtasida -48 kg vazn toifasida final jangi yakunlandi va unda Ziyoda Isoqova kumush medalga sazovor bo‘ldi.

Para taekvondo bo‘yicha erkaklar o‘rtasida -58 kg vazn toifasida Sanjar Muxtorov bronza medalga sazovor bo‘ldi.

Para dzyudo bellashuvlarida ayollar o‘rtasida J2 klassida -48 kg vazn toifasida O‘zbekiston sharafini himoya qilgan Lobar Hurramova yakunda bronza medaliga sazovor bo‘ldi.

Para yengil atletikaning erkaklar o‘rtasida T13 klassida 100 metr masofaga yugurish bahslarida Doniyor Ahmedov 11.35 soniya natija bilan marraga 3-bo‘lib yetib keldi va bronza medaliga sazovor bo‘ldi.