O‘zbekiston isteʼmolchilar huquqlarini himoya qilish jamiyatlari federatsiyasiga 2023-yilning to‘qqiz oyi davomida fuqaro (isteʼmolchi)lardan jami 11 ming 444 ta murojaat kelib tushgan. Bu haqda federatsiya matbuot xizmati xabar berdi.
Mazkur ariza va shikoyatlarning 10 007 tasi, yaʼni, 87,4 foizi ijobiy hal etilishi natijasida, isteʼmolchilar foydasiga jami 46 millard 832 million so‘m yetkazilgan zarar qayta hisob-kitob qilib berilgan.
Federatsiya va uning hududiy ijro organlari tomonidan kelib tushgan 124 ta murojaat asosida isteʼmolchilarning manfaatlarini ko‘zlab sud organlariga daʼvo arizalari kiritilishi va ijobiy hal etilishi natijasida, 8 millard 880 million so‘m moddiy va maʼnaviy zararlar isteʼmolchilar foydasiga qayta hisob-kitob qilingan.
Bundan tashqari, fuqarolardan tushgan jami 33 ta murojaat yuzasidan nazorat organlariga tegishli murojaatlar yo‘llanib, ijobiy hal etilishi natijasida, isteʼmolchilar foydasiga 156,5 million so‘m mablag‘ qayta hisob-kitob qilinishiga erishilgan.
Isteʼmolchilardan kelib tushgan murojaatlarning
- 4135 tasi (36,1 foiz) – savdo;
- 1427 tasi (12,5 foiz) – gaz taʼminoti;
- 1343 tasi (11,7 foiz) – elektr taʼminoti;
- 517 tasi (4,5 foiz) – suv taʼminoti;
- 938 tasi (8,2 foiz) – kommunal xizmat;
- 251 tasi (2,2 foiz) – sog‘liqni saqlash;
- 706 tasi (6,2 foiz) – xizmat ko‘rsatish (servis);
- 252 tasi (2,2 foiz) – transport;
- 274 tasi (2,4 foiz) – aloqa (va internet);
- 1601 tasi (14 foiz) esa boshqa sohalarga to‘g‘ri kelgan.
Avvalroq O‘zbekistonda 2023-yilda 75 mingdan ziyod nogironligi bo‘lgan shaxslarning pensiyalari qayta hisob-kitob qilinib 300 ming so‘mgacha oshgani to‘g‘risida xabar berilgandi.
Izoh (0)