O‘zbekiston prezidentining tegishli farmoniga asosan adliya katta maslahatchisi Shamsiddin Sohibnazarov Bosh prokuraturasi huzuridagi Iqtisodiy jinoyatlarga qarshi kurashish departamenti boshlig‘i lavozimiga tayinlandi.
Shamsiddin Sohibnazarov tayinlovga qadar Bosh prokuraturasi huzuridagi Iqtisodiy jinoyatlarga qarshi kurashish departamentining Toshkent shahar boshqarmasi boshlig‘i lavozimida ishlagan.
2019-yildan buyon shu kungacha Dilshod Rahimov Iqtisodiy jinoyatlarga qarshi kurashish departamenti boshlig‘i lavozimida ishlab kelayotgan edi.
Avgust boshlarida O‘zbekiston prezidentining tegishli farmoniga asosan adliya katta maslahatchisi Sherzod To‘xtaboyev bosh prokurorning o‘rinbosari lavozimiga tayinlangan edi. Undan oldin bosh prokurorning buyrug‘iga asosan adliya katta maslahatchisi Ikrom Narimov transport prokurori etib, shuningdek, Andijon, Namangan va Samarqand viloyatlariga yangi prokurorlar tayinlangani to‘g‘risida xabar berilgandi. Avgust boshlarida Andijon viloyati prokurori Sirojiddin Eshquvvatov Toshkent viloyati prokurori lavozimiga tayinlangandi.
Izoh (0)