Farg‘ona shahridagi hayvonot bog‘ida zebra halok bo‘ldi. Bu haqda viloyat Ekologiya boshqarmasi matbuot xizmati xabar berdi.
Holatga izoh bergan bog‘ direktori zebralar asosan 10-15 yil umr ko‘rishini ta’kidlab, 5 yoshida hayvonot bog‘iga keltirilgan zebra bu yerda 7 yil bo‘lib, 12 yil umr ko‘rgani sabab qarib o‘lganini bildirgan.
Farg‘ona viloyat prokuraturasi, viloyat Ekologiya boshqarmasi, Veterinariya va chorvachilikni rivojlantirish boshqarmasi va boshqa tegishli tashkilotlar ishtirokida dalolatnomaga asosan zebra jasadi tekshirilib, hozirda laboratoriya tahlil ishlari olib borilmoqda.
Yanvar oyida Farg‘ona viloyatidagi hayvonot bog‘ida jirafa nobud bo‘lgandi. U O‘zbekistonda kuzatilgan anomal sovuq kunlarida shamollab qolgan va shuning oqibatida nobud bo‘lgan.
Izoh (0)