Toshkent shahrida Alfraganus universiteti tashabbusi, Turkiyaning Najmiddin Erbaqon universiteti hamkorligida “Bir makon – bir yo‘l: imkoniyatlar va muammolar, migratsiya, turizm va siyosiy iqtisod” mavzusidagi II xalqaro ilmiy-amaliy anjuman tashkil etildi.
Tadbirda dunyoning 20 ga yaqin davlatidan nufuzli universitetlar rektorlari, professor-o‘qituvchilar, ko‘plab xalqaro tashkilotlar vakillari ishtirok etmoqda.
Anjuman ochilishida Alfraganus universiteti rektori Muhammadismoil Mahmudov so‘zga chiqib, mazkur tadbir juda katta ahamiyatga egaligini taʼkidlandi.
“Anjumanda yoshlarga taʼlim berishda xalqaro tajribalarni o‘rganishda muhim o‘rin tutudi. Anjuman doirasida ko‘plab tibbiyot, sanoat, restoran va mehmuonxona biznesi bilan shug‘ullanadigan tadyubirkorlar Toshkent shahriga tashrif buyurdi. Ular o‘qituvchi va talabalarimiz bilan seminarlar, master-klasslar o‘tkazishadi. Yaponiya, Xitoy, Turkiya, Rossiya, Fransiya, Angliyadan kelgan tajribali mutaxassislar talabalarimiz bilan o‘z bilim va malakalari bilan o‘rtoqlashadi”, —dedi universitet rahbari.
O‘zaro muloqotda aytilishicha, anjuman ijtimoiy-iqtisodiy, fan-taʼlim, madaniy-gumanitar sohalarda hamkorlikni yanada mustahkamlashda, davlatlar o‘rtasida iqtisodiy munosabatlarni takomillashtirishda muhim ahamiyatga ega. Shuningdek, anjuman xorijlik olimlar tomonidan olib borilayotgan ilmiy tadqiqotlarga o‘zbekistonlik yosh olimlar, professor-o‘qituvchilar va iqtidorli talabalarni jalb qilish, samarali ilmiy hamkorlikni yo‘lga qo‘yishda ham samara bermoqda.
Bugungi kunda Alfraganus universiteti 30 ga yaqin xorijliy hamkorlarga ega bo‘lib, ular bilan taʼlim yo‘nalishini rivojlantirish bo‘yicha qator shartnomalar imzolangan. Universitet professor–o‘qituvchilari muallifligida 100 ga yaqin o‘quv qo‘llanma va ilmiy maqolalar nashardan chiqarilgan.
Mutaxassislarning aytishlaricha, universitet tomonidan tashkil etilgan Bir makon – bir yo‘l: imkoniyatlar va muammolar, migratsiya, turizm va siyosiy iqtisod” mavzusidagi II xalqaro ilmiy-amaliy anjuman ham taʼlimni rivojlantirish yo‘lidagi muhim qadam bo‘lmoqda.
Xalqaro konferensiya joriy yilning 3—4-oktyabr kunlari Toshkent shahrida, 5—6-oktyabr kunlari Samarqand va Buxoro shaharlarida davom etadi.
Reklama huquqi asosida.
Izoh (0)