Jaloliddin Masharipov faoliyatini Gretsiyada davom ettiradi.
O‘zbekistonlik futbolchi “Panserraykos” jamoasi bilan bir yillik shartnoma imzoladi. Bu haqida klub rasmiy sayti ma’lum qildi.
“Panserraykos” joriy mavsum Gretsiya chempionatida ortda qolgan 6 turdan so‘ng 6 ochko bilan 8-o‘rinda bormoqda. “Panserraykos” Gretsiyaning tarixiy jamoalaridan biri bo‘lib, 1964-yilda tashkil topgan.
1992-yildan boshlab, muntazam ravishda ikkinchi divizionda ishtirok etib kelgan. 2008 va 2010-yillarda esa Oliy ligaga chiqqan faqatgina bir mavsum harakat qilishga muvaffaq bo‘lgan. 2009-yilda “Olimpiya” stadionida “Panatinaykos”ni mag‘lub etgan va o‘z tarixida ilk bor Gretsiya Kubogi yarim finaliga yo‘l olgan. 1/2 finalda esa “AEK” zafar quchib, finalga yo‘l olgan.
Jaloliddin Masharipov avgust oyida “An-Nassr”ni erkin agent sifatida tark etgandi. O‘zbekistonlik futbolchi 2021-yildan 2023-yilga qadar Saudiya klubi sharafini himoya qilgan. Masharipov faoliyati davomida “An-Nassr”dan tashqari “Paxtakor”, “Lokomotiv”, “Shabob al-Ahli” kabi jamoalar sharafini himoya qilgan.
Izoh (0)