Moldovaning Kaushan viloyatidagi Farladan qishlog‘i yaqinidagi ko‘lda raketa qoldiqlari topildi. Bu haqda Moldova Ichki ishlar vazirligi xabar berdi.
.jpg)
Mahalliy aholi ko‘lga qulagan raketaning bir nechta qismlarini topgan. Rasmiylar qoldiqlar haqiqatan ham raketaniki ekanini tasdiqlagan va mutaxassislar hozirda raketaning turi va kelib chiqishini o‘rganmoqda. Farladan qishlog‘i Ukraina bilan chegaradan atigi 40 kilometr uzoqlikda joylashgan.
Ko‘l va qishloq hududida qo‘shimcha xavfsizlik choralari ko‘rilgan, chunki qulagan raketaning portlovchi moddalari ko‘l tubida bo‘lishi mumkin.
Hudud hozirda o‘rab olingan va fuqarolar uchun yopiq, politsiya esa voqea joyida xavfsizlikni ta’minlamoqda. Qoldiqlarni va ehtimoliy portlovchi qismlarni qidirishda politsiya, qutqaruvchilar, harbiy va chegara politsiyasi ishtirok etmoqda.
Ish 27-sentyabr kuni boshlangan va hozirgacha davom etmoqda. Voqea joyiga Moldova ichki ishlar vaziri Adrian Efros ham yetib kelgan. Hozirda aholi uchun hech qanday xavf yo‘q, chunki hudud izolyatsiya qilingan va eng yaqin turar joy binolari xavfli hududdan 1 kilometr uzoqlikda joylashgan.
Izoh (0)