O‘zbekistonda madaniyat tizimidagi 9 nafar mutasaddi xodimga korrupsiya ortidan hayfsan berildi. Bu haqda Madaniyat vazirligi axborot xizmati xabar berdi.

Unga ko‘ra, 25-26-27-sentyabr kunlari Jizzax viloyat musiqali drama teatrida madaniyat boshqarmaning barcha tizim tashkilotlari uchun uquv seminari bo‘lib o‘tdi. Bunda noxush vaziyatlarni oldini olish va muammolarni bartaraf etish bo‘yicha muhokamalar o‘tkazilib, taklif va mulohazalar ko‘rib chiqiladi. Madaniyat tizimida ham jadal o‘zgarishlar bo‘lgan.

Joriy yilning shu davriga qadar vazirlikka aloqa kanalari orqali jami 17 ta korrupsiyaga oid murojaat kelib tushgan. Ushbu holatlar joylarga chiqib o‘rganilgan va muammolar atroflicha bartaraf etilgan. O‘rganish yakunlariga asosan 5 ta xizmat tekshiruvi o‘tkazildi hamda Mehnat kodeksining tegishli moddalariga muvofiq 9 nafar mutasaddi xodimga hayfsan intizomiy chorasi berilgan.

Vazirlik miqyosida korrupsiyaning oldini olish maqsadida vazirlik va uning tizim tashkilotlari rahbar va xodimlari uchun 4 ta ko‘rgazmali material va videoroliklar tayyorlandi.