“PSJ” yetakchi, “Barselona” — 4, “Real” esa beshinchi o‘rinda. YCHL guruh bosqichida eng ko‘p daromad qiladigan klublar reytingi

“PSJ” Chempionlar Ligasi guruh bosqichida eng ko‘p daromad qiladigan klub bo‘ladi.

The Telegraph nashrining ma’lum qilishicha, parijliklar guruh bosqichida 75 million yevro (mukofot pullaridan tashqari) daromad qiladi. Ikkinchi o‘rindagi “Bavariya”ga esa 66,5 million yevro beriladi.

3-o‘rinda “Manchester Siti” (64,5 million) egallagan. Undan keyingi o‘rinlarda esa “Barselona” (63,1 million) va “Real” (62,7 million) bormoqda.

Buxgalter va sport moliyasi bo‘yicha tahlilchi Kris Ueterspunning so‘zlariga ko‘ra, “PSJ” marketing ulushi hisobiga eng ko‘p daromad ko‘radi. Ya’ni, Chempionlar Ligasini taqdim etadigan televidenielardan har bir jamoaga ulush taqsimlanadi.