O‘zbek alifbosida 4 ta harfning yangi shakli loyihasi eʼlon qilindi. Bu haqda O‘zA xabar berdi.
Unga ko‘ra, 5-iyul kuni Shavkat Mirziyoyev toshkentlik saylovchilar bilan saylovoldi uchrashuvida “ziyolilarimiz, keng jamoatchiligimiz bilan bamaslahat, lotin yozuviga asoslangan alifbomizni takomillashtirish bo‘yicha ishlarni yakuniga yetkazishimiz zarur” deya taʼkidlagan edi.
Ayni daqiqalarda Alisher Navoiy nomidagi Toshkent davlat o‘zbek tili va adabiyoti universitetida “Lotin yozuviga asoslangan o‘zbek alifbosini takomillashtirish masalalariga bag‘ishlangan respublika ilmiy-nazariy konferensiya” bo‘lib o‘tmoqda. Konferensiyada taklif sifatida Ishchi guruh tomonidan 28 ta harf, 1 ta harflar birikmasi va tutuq belgisidan tarkib topgan takomillashtirilgan alifbo loyihasi eʼlon qilindi. Bu haqda O‘zA muxbiri xabar bermoqda.
Bunda quyidagi 4 ta harf shaklini biroz o‘zgartirish taklif etilmoqda:
- O‘ — Õ õ
- G‘ — Ğ ğ
- Ch — C c
- Sh — Ş ş
Konferensiya ishi davom etmoqda.
Avvalroq filologiya fanlari doktori, professor Baxtiyor Mengliyev lotin alifbosidagi islohotlarga qarshi chiqib, “xatoni tuzatish xatodan qimmatga tushmasligi kerak”ligini aytgandi. Adliya vazirining davlat tili masalalari bo‘yicha maslahatchisi Shahnoza Soatova Mengliyevning bu boradagi fikrlariga javob qaytarib, to‘rtta harfning o‘zgarishini millat tinchligini buzish deb baholamaslikni so‘ragan.
Izoh (0)