“An-Nassr” jamoasi Osiyo Chempionlar Ligasi doirasida “Persepolis”ga qarshi bahs uchun Tehronga yetib bordi.
Aeroportda “Persepolis” vakillari Krishtianu Ronalduga gilam sovg‘a qildi.
Avvalroq, “Persepolis” prezidenti Rizo Darvish Ronaldu va “An-Nassr”ning boshqa futbolchilariga mamlakatda foydalanish uchun cheksiz interneti bor SIM-kartalar berilishi haqida gapirgandi.
“Men Irancell (yirik mobil aloqa operatori) bosh direktori bilan gaplashdim va unga futbolchilar Eronga kelganidan to chiqib ketgunlariga qadar cheksiz internet bilan ta’minlashni xohlayotganimizni aytdim”, — deydi Darvish.
Eslatib o‘tamiz, Eronda global internetga kirish ilojsiz. Mamlakatdagi o‘n minglab veb-saytlar bloklangani sababli ishlamaydi.
“Persepolis” hamda “An-Nassr” o‘rtasidagi uchrashuv 19-sentabr kuni 23:00 da start oladi.
Izoh (0)