Bugun, 16-sentabr kuni O‘zbekistonda “Tashabbusli budjet” jarayoni 2023-yil 2-mavsumi yakunlandi.
Mavsum davomida 1 007 ta mahalladan 1 182 ta loyiha (jami summasi 1,3 trillion so‘mdan ortiq) g‘olib deb topildi. Hududlar kesimida g‘olib bo‘lgan loyihalar soni bo‘yicha Toshkent viloyati yetakchilik qildi — 122 ta loyiha, eng kami esa Jizzax viloyatida — 50 ta loyiha.
G‘olib loyihalar sohalar kesimida yo‘llarni taʼmirlash (446), umumtaʼlim maktablari (236) va sog‘liqni saqlash muassasalarini taʼmirlash va moddiy-texnika bazasini rivojlantirish tadbirlari yetakchidir.
“Tashabbusli budjet”ning 2023-yil ikkinchi mavsumidagi loyihalarga ovoz berish 27-avgustdan boshlangandi. Ovoz berish jarayonlarining dastlabki kunlari tizimda ayrim texnik muammolar ham kuzatilgandi. Bu ovozlar sonini sunʼiy ravishda ko‘paytirish maqsadida ishlab chiqilgan norasmiy botlar orqali ovoz yig‘ish, shuningdek, turli xil spam va xakerlik hujumlari oqibatida yuzaga keldi.
Izoh (0)