Qanday qilib dunyoning eng nufuzli universitetlariga o‘z kuchi bilan o‘qishga kirish mumkin? Qayerda o‘qisa bo‘ladi? Qanday imtihonlar topshiriladi? Chegaraning narigi tomonida sizni nimalar kutyapti? Stipendiya olish va yashash uchun pul topish yo‘llari qanday?
Bularning barchasi haqida O‘zbekiston yoshlariga ularning tengdoshlari – O‘zbekistonlik.Students yangi hujjatli filmi qahramonlari so‘zlab beradi. Birinchi qism premyerasi 16-sentabr 18.00 da My5 telekanalida va Uzbekistan’s Club YouTube kanalida bo‘lib o‘tadi.
Premyera epizodida tomoshabinlar Oksford Universiteti talabasi Mushtariy Madrahimova va East London Universiteti talabasi Аzizbek Аhmadjonov hikoyalariga guvoh bo‘lishadi. Ular qanday qilib Buyuk Britaniyaning eng yaxshi universitetlariga bepul o‘qishga kirish, stipendiya olishga erishganlari haqida batafsil so‘zlab berishadi, shuningdek, o‘z sirlari bilan bo‘lishadi.
O‘zbekistonlik.Students shousining bosh g‘oyasi — O‘zbekiston yoshlariga xorijda o‘qish bilan bog‘liq real imkoniyatlar haqida aytish, shuningdek, mashaqqat bilan o‘qigan va ishlaganlar dunyoning eng yaxshi OTMlarini zabt eta olishini ko‘rsatishdan iborat. Shou qahramonlari sifatida faqatgina o‘zining mehnatkashligi va tirishqoqligi tufayli o‘qishga kirgan talabalar tanlanadi.
Serial bosh homiylari — Ucell uyali aloqa operatori va Turin Politexnika Instituti. Loyiha “qanotlari” — Uzbekistan Airways milliy aviakompaniyasi. Loyiha O‘zbekiston Respublikasi Yoshlari ishlari agentligi tomonidan qo‘llab-quvvatlandi.
Yuksak maqsadlarni ko‘zlagan serial “O‘zbekistonlik” filmlari seriyasi va shu nomdagi xalqaro forumlar orqali tanish bo‘lgan Uzbekistan’s Club ijodiy jamoasi tomonidan suratga olindi. Shou boshlovchilari — taniqli blogerlar Husnora Shodiyeva va Temur Аlixonov. Rejissor — Rustam Meliyev.
Uzbekistan’s Club — butun dunyo bo‘ylab muvaffaqiyatli o‘zbekistonliklarni birlashtirish uchun yaratilgan global maydon. Klub media-mahsulotlari O‘zbekiston yoshlarini o‘z kasblarida yuksak cho‘qqilarni zabt etishga ilhomlantiradi, ularning qahramonlari esa ibrat timsoli vazifasini o‘taydi. Uzbekistan’s Club missiyasi — o‘zbekistonliklar imijini zamonaviy, mehnatkash va intellektual millat sifatida targ‘ib qilishdan iborat.
Izoh (0)