Gollivud aktyori va biznesmen Jorj Kluni o‘zining hashamatli villasini sotuvga qo‘ydi. Bino Shimoliy Italiyadagi Komo ko‘li bo‘yida joylashgan. Aktyor uni 107 million dollarga baholagan, deb xabar bermoqda “Korrespondent.net” nashri.
Jorj Kluni “Villa Oleandra” deb ataladigan uyni 2002-yilda 10 million dollarga sotib olgan edi.
“Jorj bu hududni va u yerda yashovchi insonlarni yaxshi ko‘radi, biroq aktyor shaharda bo‘lganida unga qanday e’tibor qaratilishini biladi. Aktyorga villa uchun katta pul taklif qilishdi va u Italiyaning boshqa hududidan kamroq ko‘zga tashlanadigan mulkni sotib olishni afzal ko‘radi”, — deydi insayder.
Ma’lumki, villaga bir vaqtlar Bred Pitt, Mett Deymon, Emili Blant, Jon Krasinski, Barak va Mishel Obama, Megan Markl va shahzoda Garri tashrif buyurgan.
Ma’lumot uchun, Klunining Fransiyaning Provans shahridagi joylashgan hashamatli “Domaine du Canadel” nomli uyi, shuningdek, Angliya, Los-Anjeles va Nyu-Yorkda ko‘chmas mulki bor.
Izoh (0)