O‘zbekiston prezidenti yordamchisi Saida Mirziyoyeva Rossiyaning O‘zbekistondagi elchisi bilan uchrashdi.
Uchrashuvda mamlakatlar o‘rtasidagi taʼlim, fan, madaniyat, sog‘liqni saqlash va yoshlar siyosati sohalaridagi hamkorlikning bugungi holati va istiqbollari muhokama qilingan.
“Bugun Rossiya Federatsiyasining O‘zbekistondagi elchisi Oleg Malginov bilan uchrashib, mamlakatlarimiz o‘rtasidagi taʼlim, fan, madaniyat, sog‘liqni saqlash va yoshlar siyosati sohalaridagi hamkorlikning bugungi holati va istiqbollarini muhokama qildik”, — deb yozadi Saida Mirziyoyeva.
Avvalroq O‘zbekiston Respublikasi ixtisoslashtirilgan onkologiya va radiologiya ilmiy-amaliy tibbiyot markazi hamda Sankt-Peterburg shahridagi Rossiya Federatsiyasi Sog‘liqni saqlash vazirligi N.Petrov nomidagi onkologiya milliy tadqiqot markazi o‘rtasida klinik ordinatura bo‘yicha qo‘shma ta’lim dasturini amalga oshirish masalasi ko‘rib chiqilgan edi.
Izoh (0)