Hindistonda bo‘lib o‘tayotgan G20 sammitida bosh vazir Narendra Modi mamlakatning hindcha nomi yozilgan “tablichka”dan foydalandi. Bu haqda Reuters xabar berdi.
Birinchi sessiyada jurnalistlar Modi o‘z mamlakatini ifodalash uchun “Bharat” yozuvi bo‘lgan belgini tanlaganini payqadi. Hindiston Konstitutsiyasiga ko'ra, ingliz va hind tillari mamlakatning rasmiy tillari bo'lib, mamlakat ingliz tilida Hindiston va hind tilida Bharat deb ataladi.
Avvalroq Hindiston hukumati mamlakat nomini Bharat deb o‘zgartirish bo‘yicha rezolyutsiya kiritishi mumkinligi xabar qilingandi. Parlamentda Hindiston nomini o‘zgartirish tarafdorlari shu yo‘l bilan mamlakat nomi bilan bog‘liq mustamlakachilik o‘tmishidan xalos bo‘lishga ishongan.
Mamlakat nomi sifatida Bharat Hindistonning amaldagi konstitutsiyasida uchraydi.
“Britaniyaliklar Bharat nomini Hindistonga o‘zgartirgan. Mamlakatimiz ming yillar davomida Bharat nomi bilan tanilgan. Bu qadimgi sanskrit matnlarida uchraydigan mamlakatning qadimiy nomi. Hindiston nomi mustamlakachi davlat tomonidan berilgan va shuning uchun qullik ramzi hisoblanadi. Hindiston nomi konstitutsiyadan olib tashlanishi kerak”, — degan edi deputat Rajya Sabha.
Hindiston TIV mamlakat nomi Bharatga o‘zgarishini rad etdi
Hindiston tashqi ishlar vaziri Subramanyam Jayshankar mamlakat nomi Bharatga o‘zgarishini rad etdi. Vazir Hindiston konstitutsiyasida ikkita rasmiy til borligini eslatdi: ingliz va hind.
Hind tilida mamlakat boshqa nomga ega — Bharat (mustamlakachilikdan oldingi Hindistonning tarixiy nomi). Jayshankar mamlakat nomini o‘zgartirish rejasi yo‘qligini ta’kidladi va muxolifat partiyalarini konstitutsiyani o‘qishga chaqirdi.
Vazir “Bharat” atamasining rasmiy protokollarda qayd etilishi avvalroq bo‘lishi kerak edi, deb hisoblaydi.
“Prezident Bxaratni tanlaganidan faxrlanamiz. Bu mustamlakachilik tafakkuridan uzoqlashishga qaratilgan yana bir qadamdir”, — degan u.
Hindiston prezidenti Draupadi Murmu nomidan G20 sammiti sharafiga ziyofatga taklifnomalar yuborilganidan keyin mamlakat nomini o‘zgartirish masalasi paydo bo‘ldi. Taklifnomada Hindiston prezidenti o‘rniga Bharat prezidenti deb yozilgandi.
Izoh (0)