Farg‘ona viloyati Qo‘qon shahridagi bozorda yana yong‘in sodir bo‘lgani haqida xabarlar tarqaldi. Hokimlik matbuot xizmati holatga tushuntirish berdi.
Unga ko‘ra, Qo‘qon shahar elektr tarmoqlari korxonasining bergan ma’lumotlariga ko‘ra, joriy yilning 26-avgust kuni soat 14:17 da Farobiy ko‘chasida joylashgan trasformator yonayotgani to‘g‘risida tezkor dispetcherlik bo‘limiga xabar kelib tushgan.
Xabarga asosan “Hamza” nimstansiyasidan chiquvchi “Yangi bozor” uzatmasi tarmoqdan ajratildi. Joyiga yetib kelgan Qo‘qon elektr tarmoqlari mutaxassislari Favqulodda vaziyatlar bo‘limi o‘t o‘chiruvchilari bilan hamkorlikda transformatorda sodir bo‘lgan yong‘inni bartaraf etgan.
Yong‘indan fuqarolarga jabr yetmagan. Dastlabki taxminlarga ko‘ra, yong‘in transformatorga tushgan yuklamaning ortib ketishi natijasida sodir bo‘lgan.
Izoh (0)