Uzoq umr ko‘rishga yordam beradigan arab xurmosining yana qanday foydali xususiyatlari bor?

Tarixan aniqlangan haqiqat, arab xurmosi Arabiston yarimorolida 6 ming yil oldin o‘stirilgan. Bu mevalarning tasvirlari Misr piramidalari ichida va Bobil ibodatxonalari xarobalarida ham bor.

Quyoshning kuchi

“Qadim zamonlardan beri arab xurmosiga erkaklar salomatligi uchun eng foydali mevalardan biri sifatida qaraladi. Vitaminlar va boshqa ozuqaviy moddalarga boy mevalar charchoqni yaxshi ketkazishi va kuch berishi mumkin. Mashg‘ulotdan keyin bir nechta arab xurmosini iste’mol qilish kerakli moddalarning muhim qismini to‘ldirishi va tananing normal faoliyatini tiklashi mumkin”, — deydi diyetolog Anna Serafimovich.

Arab xurmosi keksalar uchun juda foydali, chunki ushbu mevada kaliy va magniy ko‘p. Bular yurak-qon tomir salomatligi uchun muhim hisoblanadi. Arab xurmosini muntazam iste’mol qilish insult va yurak xuruji xavfini kamaytiradi. Bundan tashqari, xurmo xolesterin darajasini tartibga soladi va tromblarning shakllanishiga to‘sqinlik qiladi.

Qayta tiklovchi ta’sir

Arab xurmosi nafaqat qon aylanishiga, balki uzoq umr ko‘rishni istaydigan insonlarning organizmiga ham foydali ta’sir ko‘rsatadi. Ushbu mevalarda antioksidantlarning konsentratsiyasi shunchalik yuqoriki, ular Alsgeymer kasalligi, qandli diabet va malign neoplazmalar kabi jiddiy kasalliklarning kompleks profilaktikasida qo‘llanadi. Arab xurmosi jigar, buyraklar faoliyatini rag‘batlantiradi, miyada qon aylanishini yaxshilaydi.

Shu bilan birga, kuniga uch-beshta arab xurmosi bilan cheklanish kerak.