La Liga. “Barselona” o‘zida “Kadis”ni ishonchli hisobda mag‘lub etdi (video)

Futbol bo‘yicha Ispaniya La Ligasining 2-turida “Barselona” 20-avgust, yakshanba kuni “Kadis”ga qarshi bahs olib bordi.

Uchrashuvning birinchi bo‘limida jamoalar darvozalarni ishg‘ol eta olmadi. Biroq ikkinchi bo‘limda kataloniyaliklar ustunlik qila boshladi va o‘yinning so‘nggi o‘n daqiqasida ikki bor “Kadis” darvozasini ishg‘ol qildi. 

Dastlab, 82-daqiqada Pedri gol urgan bo‘lsa, hakam qo‘shib bergan daqiqalarda Ferran Torres o‘z hisobiga gol yozdirib qo‘ydi.

Shu tariqa Xavi jamoasi chempionatning yangi mavsumidagi ilk g‘alabasini qo‘lga kiritdi.

La Liga

2-tur bahsi

20-avgust, yakshanba

“Barselona” – “Kadis” 2:0

Gollar: 1:0 – 82 Pedri, 2:0 – 90 Ferran Torres.

“Barselona”: ter Stegen, Kristensen (Erik Garsiya, 79), Kunde, de Yong, Balde (Fati, 68), Gundo‘g‘an, Romeu (Serji Roberto, 79), Pedri, Gavi (Ezzalzuli, 68), Yamal (Ferran Torres, 85), Levandovski.

“Kadis”: Ledesma, Karselen, Ernandes, Fali Ximenes, Xavi, Alexo (Machis, 68), Alkaras, San-Emeterio (Sobrino, 68), Aleks Fernandes (Negredo, 86), Roxer Marti (Xose Mari, 86), Ramos (Osmayich, 86).

Ogohlantirishlar: Alexo (14), de Yong (26), ter Stegen (26), San-Emeterio (45), Gavi (45), Pedri (73), Xavi (90).