Vazirlar Mahkamasining “O‘zbekiston Respublikasi Qurolli Kuchlari tizimida qonuniylikni taʼminlash bo‘yicha qo‘shimcha chora-tadbirlar belgilanganligi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida”gi qarori qabul qilindi.
Kiritilayotgan o‘zgartirishlarga ko‘ra endilikda harbiy prokuratura xodimlari ham “Maʼnaviy-maʼrifiy ishlar aʼlochisi” ko‘krak nishoni bilan taqdirlanadi.
Maʼlumot uchun, ushbu ko‘krak nishoni bilan Qurolli Kuchlar tizimida maʼnaviy-maʼrifiy ishlar samaradorligini oshirishga munosib hissa qo‘shgan harbiy xizmatchilar va fuqarolar taqdirlanadi.
Shuningdek, harbiy prokuratura xodimlariga turar joy sotib olish (qurish) uchun uzoq muddatli imtiyozli ipoteka kreditlari taqdim etiladi. Muqaddam bunday imtiyozlar Milliy gvardiya, IIV, FVV va DXXning shartnoma asosida xizmat qilayotgan harbiy xizmatchilariga taqdim etilgan.
Hujjat Qonun hujjatlari maʼlumotlari milliy bazasida eʼlon qilingan va 2023-yil 16-avgustdan kuchga kirgan.
Shavkat Mirziyoyev 13-aprel kuni “2023-yilda bozor tamoyillariga asoslangan ipoteka kreditlari orqali aholini uy-joy bilan ta’minlash dasturini amalga oshirish chora-tadbirlari to‘g‘risida”gi farmonni imzolagandi. Unga ko‘ra, professional ta’lim tashkilotlarining ayrim xodimlariga imtiyozli subsidiyalar ajratiladi.
Izoh (0)